పొనుగుపాడు ఉన్నత పాఠశాల 68వ వార్షికోత్సవ విశేషాలు

చిత్రమాలిక
Slider

మన పొనుగుపాడు జిల్లా పరిషత్ ఉన్నత పాఠశాల 68వ వార్షికోత్సవ విశేషాలు

02.03.2019 శనివారంనాడు పూర్వ విద్యార్ధుల సంఘం ఆధ్వర్యంలో, ప్రధాన ఉపాధ్యాయురాలు టి. పద్మావతి పర్వేక్షణలో జరిగినవి.ఉదయం గం.09.00లకు  టి. పద్మావతి ప్రధాన ఉపాధ్యాయురాలు ఆధ్వర్యంలో  బొట్ల అమరయ్య (యం.పి.టి.సి) వారిచే జాతీయ పతాకావిష్కరణ కార్యక్రమం జరిగింది.జండా వందన కార్యక్రమానికి పాఠశాల ఉపాధ్యాయని, ఉపాద్యాయులు, మాజీ సర్పంచ్ మాధవరావు,తదితర గ్రామపెద్దలు  హజరైయ్యారు.

సాయంత్రం గం.04.00లకు పాఠశాల పూర్వ విధ్యార్ది  కొరిటాల శేషగిరిరావు అధ్యక్షతన పూర్వ విద్యార్దుల సంఘ సమావేశం జరిగింది. ఆ సమావేశంలో పూర్వ విద్యార్దుల సంఘ అధ్యక్షుడు కోయ రామారావు, పూర్వ విద్యార్దులు గుంటుపల్లి జగన్నాధరావు,గేరా భరతకుమార్, మాగులారి బసవాచారి, కొరిటాల శేషగిరిరావు, ఈదర హరిబాబు, పాతూరి సూర్యనారాయణ, గుంటుపల్లి వెంకటేశ్వరరావు, షేక్ మొహిద్దీన్ పీరా, వంకాయలపాటి కోట్లింగయ్య, నేరేళ్ల సుబ్బారావు తదితర పూర్వ విద్యార్ధులు పాల్గొన్నారు. పాఠశాల అభివృద్దిని గురించి పలువురు ఈ సమావేశంలో చర్చించారు. పాఠశాలలో విద్యార్ధినీ, విద్యార్ధుల సంఖ్యా బలం పెంచటానికి, ఇతర వసతులు గురించి పాతూరి సూర్యనారాయణ, తదితర  పూర్వ విద్యార్ధులు తగు సూచనలు చేసారు. కోశాధికారి షేక్ మస్తానువలి నివేదికను చదివి వినిపించారు.

ఆ తరువాత సాయంత్రం గం.6-00లకు జరిగిన పాఠశాల వార్షికోత్సవసభకు పూర్వ విద్యార్ధి, కిష్ ట్రష్టు వ్యవస్థాపకులు, విశ్రాంత విద్యాబోధకులు కొరిటాల శేషగిరిరావు అధ్యక్షత వహించారు.ముఖ్య అతిధిగా గుంటూరు జిల్లా ప్రదానోపాధ్యాయుల జిల్లా సంఘం ప్రెసిడెంటు ఎం.యస్.ఆర్.కె.ప్రసాదు హాజరయ్యారు. అతిధులుగా గేరా భరతకుమార్,గుంటుపల్లి జగన్నాధం. కొరిటాల శేషగిరిరావు,మాగులూరి బసవాచారి, యర్రా రామారావు,మాజీ సర్పంచ్ మాధవరావు,యం.పి.టి.సి బొట్ల అమరయ్య హజరయ్యారు.

ఉపాధ్యాయిని యం.డి.అనీషా ఫాతిమా  అతిధులను సభకు పరిచయం చేసారు. ఆతరువాత ప్రధానోపాద్యాయురాలు టి. పద్మావతి పాఠశాల పరిస్ధితిని గురించి వివరించారు. 

పాఠశాల పూర్వ విద్యార్ధులు సంఘం ద్వారా పాఠశాల అభివృద్దికి, పేద విద్యార్దుల విద్యా అభివృద్దికి చేస్తున్న సేవలను, కృషిని గురించి చెప్పారు.

ఇంకా సమావేశంలో పూర్వ విద్యార్దుల సంఘం అధ్యక్షులు కోయ రామారావు, కొరిటాల శేషగిరిరావు, ఎం.యస్. ఆర్.కె.ప్రసాదు, గేరా భరతకుమార్, కొరిటాల శేషగిరిరావు,మాగులూరి బసవాచారి, యర్రా రామారావు, తదితరులు, పాఠశాల అభివృద్దిని గూర్చి, విద్యార్ధినీ,విద్యార్ధులను ఉద్దేశించి ప్రసంగించారు.

సమావేశంలో డి.అరోరారావు హిందీ ఉపాద్యాయులును పూర్వ విద్యార్ధుల సంఘం తరుపున సత్కరించారు.

ప్రోత్సాహక బహుమతులు పంపిణీ

ఈకార్యక్రమంలో దాతలు నుండి సేకరించిన 60 వేల రుపాయలు చదువులో ప్రతిభ ఆధారంగా ఎంపిక చేసిన బీద విద్యార్థిని, విద్యార్థులకు నగదు ప్రోత్సాహక బహుమతులు అతిధుల చేతులమీదుగా అందించారు. 

గత సంవత్సరం పదవ తరగతిలో 9.7 పాయింట్లు సాధించి, పాఠశాల ప్రధమ ర్యాంకు పొందిన కుమారి సేవా బార్గవికి  రు25,000/-లను,  మిగిలిన 15 మంది విద్యార్దినీ విద్యార్దులకు రు35,000/- లు పూర్వ విద్యార్ధుల సంఘం తరుపున దాతలు నుండి సేకరించిన ప్రోత్సాహక బహుమతులు నగదుగా అందచేయుటం జరిగింది.

అనంతరం పాఠశాల విద్యార్థిని విద్యార్థులచే సాంస్కృతిక కార్యక్రమాలు నిర్వహించబడి నవి. సాంస్కృతిక కార్యక్రమాలలో పాల్గొన్న  విద్యార్ధినీ విద్యార్థులుకు పాఠశాల ప్రధానోపాధ్యాయిని టి. పద్మావతి బహుమతులు అందచేసారు.  కార్యక్రమంలో ఉపాధ్యాయులు యం.డి.అనీషా ఫాతిమా, కె.శ్రీలక్ష్మి, పి.జోష్ మేరీ, బి.ఆదిలక్ష్మి శైలజ, టి.తిరుపతయ్య, వై.శ్రీనివాసరావు, డి. అరోరారావు, యం. శ్రీనివాసరావు, కె.కోటేశ్వరి, మస్తానువలి తదితరులు పాల్గొన్నారు.

పూర్వ విద్యార్దులు శివయ్య మాష్టరు, క్రోసూరి సుబ్బారావు, కోయ వెంకట్రావు,యర్రమాసు నాగేశ్వరరావు, వక్కంటి వెంకటేశ్వరరావు,గేరా ఆనంద్,విద్యార్దిని విద్యార్దుల తల్లిదండ్రులు, గ్రామ పెద్దలు తదితరులు హాజరైయ్యారు.

ఈదర హరిబాబు, క్రోసూరి బాలరాజు, బాలకృష్ణ, కొంగర రాఘవయ్య, యామాని రామారావు, గుంటుపల్లి వెంకటేశ్వరరావు, పూర్ణచంద్రరావు, వక్కంటి వెంకటేశ్వరరావు, దాడి రాదాకృష్ణ, కట్టా సుబ్బారావుల సహకారంతో  కార్యక్రమ పర్వేక్షణ జరిగింది.చివరగా పాఠశాల ఉపాధ్యాయులు యం. శ్రీనివాసరావు వందన సమర్పణ గావించారు. 

Tagged with: , , ,

శ్రీ కాశీ విశ్వేశ్వరస్వామి 103వ వార్షికోత్సవ సందర్బంగా జరిగిన కూచిపూడి నృత్య కార్యక్రమాల వీడియోలు

అభినయ శ్రీనివాస్ ఆధ్వర్యంలో జరిగిన కూచిపూడి డ్యాన్స్ ఫెస్టివల్ -2019 కార్యక్రమాల వీడియాలు

 

శ్రీ గంగా అన్నపూర్ణ సమేత శ్రీ కాశీ విశ్వేశ్వరస్వామి 103వ వార్షికోత్సవ సందర్బంగా జరిగిన కార్యక్రమాల వీడియోలు

1.శ్రీ మాతా అన్నపూర్ణేశ్వరి అమ్మవారికి అభిషేకం సందర్బంగా గ్రామంలో జరిగిన గ్రామోత్సవ వీడియోలు.

 

2.శ్రీ మాతా అన్నపూర్ణేశ్వరి అమ్మవారికి జరిగిన అభిషేకం వీడియో

 

3.శ్రీ భద్రకాళీ సమేత శ్రీ వీరభద్ర స్వామి శాంతి కళ్యాణం వీడియో

శ్రీ కాశీ విశ్వేశ్వరస్వామి వారి 103వ వార్షిక మహోత్సవ ఆహ్వానం

శ్రీ గంగా అన్నపూర్ణ సమేత శ్రీ కాశీ విశ్వేశ్వరస్వామి వారి 103వ వార్షిక  మహోత్సవంనకు అందరూ తరలరండి. 

ఆహ్వాన పత్రిక, కార్యక్రమాల వివరాలు

శ్రీ కాశీ విశ్వేశ్వరస్వామి 103వ వార్షిక మహోత్సవ ఆహ్వానం

శ్రీ కాశీ విశ్వేశ్వరస్వామి 103వ వార్షిక మహోత్సవ ఆహ్వానం

శ్రీ కాశీ విశ్వేశ్వరస్వామి 103వ వార్షిక మహోత్సవ ఆహ్వానం

శ్రీ కాశీ విశ్వేశ్వరస్వామి 103వ వార్షిక మహోత్సవ ఆహ్వానం

శ్రీ కాశీ విశ్వేశ్వరస్వామి 103వ వార్షిక మహోత్సవ ఆహ్వానం

శ్రీ కాశీ విశ్వేశ్వరస్వామి 103వ వార్షిక మహోత్సవ ఆహ్వానం

శ్రీ కాశీ విశ్వేశ్వరస్వామి 103వ వార్షిక మహోత్సవ ఆహ్వానం

శ్రీ కాశీ విశ్వేశ్వరస్వామి 103వ వార్షిక మహోత్సవ ఆహ్వానం

శ్రీ కాశీ విశ్వేశ్వరస్వామి 103వ వార్షిక మహోత్సవ ఆహ్వానం

శ్రీ కాశీ విశ్వేశ్వరస్వామి 103వ వార్షిక మహోత్సవ ఆహ్వానం

Tagged with: , , , , ,

ఉన్నత పాఠశాల 68వ వార్షికోత్సవం ఆహ్వానం.

అందరికి ఆహ్వానం

ప్రతి సంవత్సరం మన జిల్లా పరిషత్ ఉన్నత పాఠశాల వార్షికోత్సవం జరిగే సంగతి మనందరకు తెలుసు.అలాగే 68వ వార్షికోత్సవం ది.02.03.2019 శనివారం జరుగుతుందని మీ అందరికి తెలుపటానికి  సంతోషిస్తున్నాం.ఈ కార్యక్రమంలో అందరూ పాల్గోని మన పొనుగుపాడు ఉన్నత పాఠశాల వార్షికోత్సవ పండగను జయప్రదం చేయవలసిందిగా కోరటమైనది.

2017-2018 సంవత్సరంనకు పేద మరియు  మెరిట్ విద్యార్ధులకు పంపిణీ చేయు ఉపకార వేతనంల పంపిణీ వివరంలు. 

గమనిక:మన పాఠశాల అభివృద్ధికి, పేద విద్యార్ధుల విద్యా అభివృద్ధికి మీరు ఆర్ధిక సహాయం చేయాలనిపిస్తే ఆన్ లైన్ ద్వారా పైన వివరింపబడిన  బ్యాంకు ఖాతాకు చెల్లించవచ్చు.

OLD STUDENTS ASSOCIATION, Z.P.H.SCHOOL – ANDHRA BANK – IFSC NO: ANDB0001505 – Palnadu Road Branch, Narasaraopet – A/c. No. :150510011000804

CONTACT CELL NO:94409 15861

Tagged with: , , ,

శశిధర్, హష్మిల వివాహం సందర్బంగా శుభాకాంక్షలు

మన పానుగుపాడు గ్రామానికి చెందిన, మనందరికి చిరపరిచితులైన వంకాయలపాటి శివరామకృష్ణయ్య, కీ.శే. సీతామహలక్ష్మమ్మ గార్ల మనుమడు,  కోట్లింగయ్య, రాధ దంపతుల ఏకైక పుత్రుడు చి. శశిధర్, చి.ల.సౌ. హష్మి (గుంటూరు జిల్లా, లింగారావుపాలెం గ్రామానికి చెందిన నల్లపనేని తాండవకృష్ణ, బుల్లెమ్మ దంపతుల ఏకైక కుమార్తె) ల వివాహం ది. 10.02.2019 ఆదివారం రాత్రి గం. 07.39 ని.లకు  లింగారావుపాలెం, శ్రీ వెంకటేశ్వర కళ్యాణ మండపంలో జరుగుచున్న సందర్బంగా …….

శశిధర్, హష్మీ మరియు వారి కుటుంబ సభ్యులకు పొనుగుపాడు గ్రామ ప్రజలు, బంధువులు, స్నేహితుల తరుపున 

www.manaponugupadu.com వారి శుబాకాంక్షలు

ఆనందం వెల్లివిరిసినవేళ ఘనంగా జరిగిన ఆత్మీయ కలయక

పొనుగుపాడు ఉన్నత పాఠశాల 2004-05సం.టెన్త్ క్లాస్ జట్టు ఆత్మీయ కలయిక

ఈ జట్టు విద్యార్థులు పొనుగుపాడు ఉన్నత పాఠశాలలో 2000-2001 సం.నందు 6 తరగతిలో చేరారు. 2004-05 సం. 10 తరగతి  పబ్లిక్ ఎక్జామ్స్ రాసారు. జీవిత ప్రయాణంలో 13 సంవత్సరాలు ప్రయాణించి వారందరు జీవితంలో అజ్ఞానం అనే చీకటిని పొగొట్టి, వెలుగు చూపిన పాఠశాల అనే దేవాలయంలోని దేవుళ్లు అనే గురువులను కలవాలని అనుకున్నారు. 13.01.2019 (ఆదివారం)న కలసి పాదాబి వందనం చేసుకున్నారు. ఈ సందర్బంగా జరిగిన ఆత్మీయ సమావేశానికి పాఠశాల ప్రదనోపాధ్యాయిని పద్మావతి ముఖ్య అతిధిగా హాజరైయ్యారు. గతంలో ప్రధానోపాధ్యాయునిగా పనిచేసిన ప్రభుదాసు,  విద్యాబోధన చేసిన గురువులు సాంబశివరావు, కృష్ణయ్య, హనుమయ్య, జాన్సీ, సుబ్బారావు, ఖాశిం,ఇంకా తదితరులను సన్మానించారు.

ఈ సందర్బంగా ఇంకా ఓనామాలు నేర్పిన వలి మాష్టరు,10 తరగతిలో ట్యూషన్ చెప్పిన నరసింహారావు మాష్టరు గార్లను కూడా పురష్కరించారు.

సమావేశంలో ఈ సందర్బంగా పలువురు పూర్వ విద్యార్ధులు పాఠశాల అభివృద్దికి తోడ్పడగలమని చెప్పారు.

సమావేశం తదుపరి వారి చిన్ననాటి స్నేహితులతో మరపుగాని సంఘటనలు, ముచ్చట్లు గుర్తుకు తెచ్చుకుని మురిసిపోయారు.

ఈ ఆత్మీయ సమావేశంలో ఈదర ఆనందబాబు, నిడమానూరి నరేష్,ప్రత్తిపాటి అనిల్ కుమార్, గద్దె ప్రసన్న,యర్రం వెంకటేశ్వరరావు, గుర్రం అనూష,  సుంకుల కోటినాగలక్ష్మి, కర్లపూడి సురేంద్ర, అర్వపల్లి విజయ కుమార్, ఒంటిపులి శ్రీనివాసరావు, జమ్ముల శ్రీనివాసరావు, గార భరత్, క్రోసూరి సాయిలక్ష్మి, బొట్ల వెంకట నరసమ్మ, భాను, శ్రీలక్ష్మి, తన్నీరు సుమలత, సుజాత, చావా అనూష, చావా నాగేశ్వరరావు, బెజ్జం వందన,  నిజాంముద్దీన్, మస్తాన్ వలి, గాజుల శ్రీలత, రవికిరణ్, కోటి, పసల రాజారావు, రాజేశ్, చంటి, రామారావు, మేళం ప్రతాప్, మేళం సాంబశివరావు, దారా మోహన్ బాబు,తన్నీరు కోటేశ్వరరావు,గేరా అనిల్ కుమార్, అంజి, ప్రసాద్, విజయ్, గేరపాటి శ్రీను,తాతపూడి వీరాంజనేయులు ఇంకా తదితర విద్యార్దులు పాల్గొన్నారు.

ఈ సమావేశం జరగటానికి తగిన కృషి చేసిన ఈదర ఆనందబాబు, నిడమానూరి నరేష్, ప్రత్తిపాటి అనిల్ కుమార్, యర్రం వెంకటేశ్వరరావులను పలువురు అభినందించారు.

కార్యక్రమానికి పూర్వ విద్యార్థుల సంఘం ప్రెసిడెంటు కోయ రామారావు, వలి మాష్టరు తగిన తోడ్పాటు, సహకారం అందించారు. 

చిత్రమాలిక
previous arrow
next arrow
Slider
Tagged with: , , , ,

మన వనం మనమే కాపాడుకుందాం – స్పందించిన దాతలకు కృతజ్ఞతలు.

 “మన వనం మనమే కాపాడుకుందాం” – స్పందించిన దాతలకు కృతజ్ఞతలు.

పొనుగుపాడు గ్రామంలో ప్రభుత్వం వారి ఆర్థిక సహాయంతో  2017, ఆగష్టులో నాటబడిన మొక్కలు మనం ఆశించినట్లుగా అన్ని బతికి ఏపుగా పెరుగుతున్నందుకు సంతోషం.ఈ కార్యక్రమంలో మొదటనుండి శ్రీ వేణుగోపాల్ ఎడ్యుకేషనల్ ట్రష్టు తరుపున ప్రెసిడెంటు తూము వేణుగోపాల్ పడుచున్న కృషి మనందరికి తెలిసిందే.

అలాగే “మన వనం మనమే రక్షించుకుందాం” అనే స్లోగనుకు స్పందించి కొత్తమంది దాతలు వేణుగోపాల్ ఎడ్యుకేషనల్ ట్రష్టు తరుపున ప్రెసిడెంటు తూము వేణుగోపాల్ కు విరాళాలు అందజేసారు.దాతలందరికి ట్రష్టుతరుపున ప్రెసిడెంటు వేణుగోపాల్ కృతజ్ఞతలు తెలుపుచూ ఇప్పటి వరకు వరకు అందిన విరాళాల సొమ్ముకు జమా ఖర్చులు మన పొనుగుపాడు.కామ్ ద్వారా తెలుపవలసిందిగా కోరినందున అతని కోరిక మేరకు వివరాలు దిగువ తెలపటమైంది.

జమా ఖర్చులు

ఆగష్టు 2018 వరకు రాబడివ విరాళం సొమ్ము వివరాలు

వ.సంఖ్య దాత పేరు

 అందించిన విరాళం

1 వంకాయలపాటి బలరామకృష్ణయ్య 10,000
2 కె.వెంకటేశ్వర్లు 10,000
3 డాక్టరు మర్రి పెద్దయ్య 10,000
4 కోయ రామారావు 15,000
5 గుర్రం విశ్వేశ్వరరావు 18,000
6 గుర్రం మాధవరావు   5,000
6 గుర్రం రామచంద్రరావు s/o పెదబాబు 25,000
7 గుంటుపల్లి జగన్నాధం   5,000
  మొత్తం 98,000

ఆగష్టు 2018 వరకు రాబడివ విరాళం సొమ్ముకు ఖర్చు వివరాలు

1 మొక్కలు రవాణా చార్జీలు వెలగపూడి నుండి రెండు ట్రాక్టర్లు ద్వారా 9,000
2 ఐరన్ మెస్ ట్రీ గార్డ్సు 270 25,200
3 కలప కర్ర ముక్కలు ట్రీ గార్డ్సు సపోర్టుకు 2 బండిల్సు 7,000
4 ప్లాస్టిక్ ట్రీ గార్డ్సు 40   8,300
5 ట్రీ గార్డ్సు ఏర్పాటుకు లేబర్ చార్జి. (ప్రభుదాసు,ప్రసాదు)   9,450
6 పొనుగుపాడులో చేయించిన ట్రీ గ్రార్డ్సు 5   2,400
7  కొత్తగా సెప్టెంబరు 2018లో కొన్న ఐరన్ మెస్ బండిల్స్ & కలప కర్ర ముక్కలు ట్రీ గార్డ్సు సపోర్టుకు 16,000
  ఖర్చు మొత్తం 77,350

విరాళం జమ మొత్తం 31.08.2018 వరకు —-    రు.98,000

ఖర్చు మొత్తం 31.08.2018 వరకు           —-    రు.77,350

10.09.2018 నాటికి నిల్వ (నిర్వహణ కొరకు)-     రు.20,650

Tagged with: , , ,

మన పొనుగుపాడు ఉన్నత పాఠశాలలో గురుపూజా మహోత్సవం విశేషాలు

గురుపూజా మహోత్సవం.

మన పొనుగుపాడు గ్రామంలోని జిల్లా పరిషత్ ఉన్నత పాఠశాలలోని ఉపాధ్యాయులకు ది.07.09.2018 న గురుపూజా మహోత్సవం జరపబడింది.ఈ కార్యక్రమం పూర్వ విద్యార్థుల సంఘం ఆధ్వర్యంలో ఘనంగా జరిగింది.

  • గురువు అంటే ఎవరు?
  • అసలు ఈ కార్యక్రమం ఎలా,ఎందుకు మొదలైంది?

కనీసం ఈ విషయాలు గురించి ప్రతివ్యక్తి,విద్యార్థులు తెలుసుకోవాలి,తెలిసిండాలి.

మొదటి విషయానికి వస్తే మనందరం గురు లేదా గురువు అంటే విద్యను నేర్పువాడు అని భావిస్తాం.సంస్కృతంలో గు అంటే  చీకటి లేదా అంధకారం అని అర్థం. రు అంటే వెలుతురు లేదా ప్రకాశం అని అర్థం.అనగా గురువు అంటే అజ్ఞానం అనే అంధకారాన్ని పారద్రోలి, బ్రహ్మ విద్య అనే ప్రకాశాన్ని అందించేవాడు.ప్రతి వ్యక్తి జీవితంలో గురువు పాత్ర గణనీయంగా ఉంటుంది.అంతేగాదు గురువును త్రిమూర్తులు స్వరూపంగా భావించడం, ఆరాధించడం హిందూ సంప్రదాయం.

ఇక రెండవ విషయానికి వస్తే సర్వేపల్లి రాధాకృష్ణన్ గురించి మనందరికి తెలుసు.1962లో రాష్ట్రపతి హోదాలో ఉన్నప్పుడు  కొందరు శిష్యులు, మిత్రులు,అధికారులు, అభిమానులు పుట్టినరోజు జరుపటానికి అతని దగ్గరకు వెళ్లినప్పుడు, నా పుట్టినరోజును వేడుకులా జరిపే బదులు దానిని ఉపాధ్యాయ దినోత్సవంగా నిర్వహిస్తే ఎంతో గర్విస్తాను అన్న మాటల నుంచి ఏర్పడి,  అప్పటి నుండి ఆయన పుట్టిన రోజును భారతదేశంలో ఉపాధ్యాయ దినోత్సవంగా జరుపుకుంటున్నాం. ఆ మాటల బట్టి ఉపాధ్యాయ వృత్తి పట్ల తనకెంత ప్రేమ ఉందో మనందరికి అర్థమవుతుంది. 

కార్యక్రమ విశేషాలు

పూర్వ విద్యార్థుల సంఘం ఆధ్వర్యంలో ప్రసిడెంటు కోయ రామారావు పర్వేక్షణలో, డాక్టరు మర్రి పెద్దయ్య, కొరిటాల శేషగిరిరావు, గుంటుపల్లి జగన్నాథరావు అబినందనలతో గురుపూజా దినోత్సవం సందర్బంగా ఉన్నత పాఠశాల ప్రధానోపాధ్యాయిని పద్మావతిని ది.07.09.2018న పాఠశాలలో ఘనంగా సన్మానించారు.

ఈ కార్యక్రమానికి డాక్టరు పాతూరి సీతారామాంజనేయులు (విశ్రాంత ప్రొఫెసర్) ముఖ్య అతిధిగా హాజరయ్యారు.

ఈ కార్యక్రమం సందర్బంగా సన్ ఫార్మాష్యూటికల్స్ రిప్రెంజెంటేటివ్ శ్రావణ్ 84 మంది పేద విద్యార్థులకు ఆంగ్ల నిఘంటువులు ఉచితంగా పంచిపెట్టారు.ఇంకా ఈ కార్యక్రమంలో పాఠశాల ఉపాధ్యాయులు శ్రీనివాసరావు, శ్రీలక్ష్మి, అరోరారావు, సాంబశివరావు, వెంకటేశ్వరరావు, శ్రీ ఆంజనేయ స్వామి దేవస్థానం చైర్మన్ తులసీథరరావు, పాఠశాల చైర్మెన్, వంకాయలపాటి కొట్లింగయ్య, గుంటుపల్లి వెంకటేశ్వరరావు,వలి మాష్టరు తదితరులు పాల్గొన్నారు.

ఫొటో గ్యాలరీ

Slider
Tagged with: , , , ,

పొనుగుపాడు ఉన్నత పాఠశాల పేద విద్యార్థులకు పుస్తకాలు ఉచిత పంపిణీ.

పేద విద్యార్థులకు పుస్తకాలు ఉచిత పంపిణీ.

పొనుగుపాడు జిల్లా పరిషత్ ఉన్నత పాఠశాలలో 100 మంది విద్యార్థులకు కంప్యూటరు నోటు పుస్తకాలు,  30 మంది పేద విద్యార్థులకు 30000/- విలువ కలిగిన పాఠశాల సంచులు,పరీక్షల రాయటానికి ప్యాడ్స్, జామెంట్రీ బాక్స్లు మొదలైన 14 వస్తుసామాగ్రి కలిగియున్న కిట్స్ ది.05.07.2018న జిల్లా పరిషత్ పాఠశాలలో ప్రధానోపాధ్యాయిని శ్రీమతి పద్మావతి అధ్యక్షతన జరిగిన కార్యక్రమంలో పాఠశాల పూర్వ విద్యార్థుల సంఘం ఆధ్వర్యంలో ఉచిత పంపిణీ కార్యక్రమం జరిగింది.

కార్యక్రమానికి దూదేకుల షేకు మస్తాను జ్ఞాపకార్థం వారి మనమడు దూదేకుల షేకు మస్తాను (NRI) రు.20000/-లు, మాగులూరి బసవచారి (రిటైర్డ్ యం.ఆర్.ఒ) వారి తల్లి దండ్రులు మాగులూరి నాగభూషణం, సత్యవతి గార్ల జ్ఞాపకార్థం రు.5000/-లు, కోయ రామారావు (రిటైర్డు బ్యాంకు మేనేజరు) రు.5000/-లు ఆర్థిక సహాయం అందించారు.

ఈ కార్యక్రమానికి ముఖ్య అతిధులుగా డాక్టరు.పాతూరి సీతారామాంజనేయులు (రిటైర్డు ప్రొఫెసరు, నాగార్జున యూనివర్శిటీ), మాగులూరి బసవాచారి (రిటైర్డు యం.ఆర్.ఒ) హాజరయ్యారు. పూర్వ విద్యార్థుల సంఘం ప్రెసిడెంటు కోయ రామారావు పర్వేక్షణలో కార్యక్రమ నిర్వహణ జరిగింది.

ఇంకా  ఈ కార్యక్రమంలో ఉపాధ్యాయులు, సిబ్బంది, విద్యార్థుల తల్లిదండ్రులు, పాఠశాల పూర్వ విద్యార్థులు కోట్లింగయ్య, షేక్ మస్తానువలి,పాలపర్తి కోటేశ్వరావు, రాఘవయ్య, హరిబాబు, బాలరాజు, వెంకటేశ్వరరావు, వలి మాష్టరు, శివయ్య  మాష్ఠరు తదితర గ్రామ పెద్దలు పాల్గొన్నారు. కార్యక్రమానికి ఫాఠశాల మ్యాథ్స్ మాష్టరు శ్రీనివాసరావు వందన సమర్పణ గావించారు.

previous arrowprevious arrow
next arrownext arrow
Slider
Tagged with: , , ,

నూతన వధూవరులు నందిని,ప్రేమసాయిలకు శుభాకాంక్షలు.

నూతన వధూవరులకు శుభాకాంక్షలు

మన పొనుగుపాడు గ్రామానికి చెందిన, మనందరికి చిరపరిచితులైన వంకాయలపాటి శివరామకృష్ణయ్య గారి మనమరాలు, కొట్లింగయ్య, రాధ దంపతుల ఏకైక పుత్రిక చి.ల.సౌ నందిని వివాహం ది.01.07.2018 ఆదివారం నరసరావుపేటలోని కొత్తపల్లి కళ్యాణ మండపంనందు హైదరాబాదు (ఎ.యస్.రావు నగర్) వాస్తవ్వులు కళ్యాణ సుందరం, పిచ్చయ్యమణి దంపతుల ఏకైక కుమారుడు చి. సత్యనారాయణ ప్రేమ్‌సాయితో వివాహం జరిగిన సందర్బంగా 

నందిని, ప్రేమ్‌సాయిలకు వారి కుటుంబ సభ్యులకు పొనుగుపాడు గ్రామ ప్రజలు, బంధువులు, స్నేహితుల తరుపున 

www.manaponugupadu.com వారి శుబాకాంక్షలు

Tagged with: , , ,

మన పొనుగుపాడు దేవాలయాల ప్రధమ వార్షికోత్సవ ఆహ్వానం

ప్రియ భగవత్ బంధువులారా,

మన పొనుగుపాడు గ్రామంలో వేంచేసియున్న

  • శ్రీ అంజనేయస్వామి, 
  • శ్రీ శీతారామస్వామి, 
  • కలియుగ దైవం శ్రీ దేవీ భూ నీళా సమేత శ్రీ వెంకటేశ్వర స్వామి వారి సహిత, 
  • శ్రీ పోతులూరి వీరబ్రహ్మేంధ్ర స్వామి, 
  • వినుకొండ అంకమ్మ తల్లి, 

ప్రధమ వార్షికోత్సవ ఆహ్వాన శుభ పత్రిక

దేవాలయాల ప్రధమ వార్షిక బ్రహ్మోత్సవం ది.25.04.2018 (బుధవారం) నుండి ది.28.04.2018 (శనివారం) వరకు పొనుగుపాడు దేవాలయాల సేవా సమితి ఆధ్వర్యంలో జరుపబడునని మీ అందరికి తెలియజేయాటానికి సంతోషిస్తున్నాం.

కావున యావత్ భక్తబృందం, భగవత్ బంధువులూ అందరూ ఈ కార్యక్రమాలను కనులారా వీక్షించి తీర్ద ప్రసాదాలు స్వీకరించి తరించగలరు.

28.04.2018 శనివారం అన్న ప్రసాద వితరణ కార్యక్రమం

Tagged with: , , ,

ఉగాది శుభాకాంక్షలు.

ముందుగా దేశ విదేశాలలో ఉన్న మన తెలుగు వారందరికి  శ్రీ విళంబి నామ సంవత్సర ఉగాది శుభాకాంక్షలు.

 

ఉగాది అంటే ఏమిటి?

పురాణాల ప్రకారం బ్రహ్మ సృష్ఠి కోసం తన దేహాన్ని రెండుగా విభజించుకొని ఒకభాగం మానవుడు (పురుషుడు) గా, రెండవభాగం మానవతి (స్రీ) గా మారి, ఆ పురుషుడు ఆ ‘స్త్రీ’తో  ఛైత్ర శుద్ధ పాఢ్యమి (యుగాది) నాడు సంగమించి బ్రహ్మ తన సృష్టిని ప్రారంభించాడని, అందుకే దీనిని ‘యుగాది’ అని వ్యవహరించేవారని తెలుస్తుంది. కాలాంతరంలో ఆ మాటే ‘ఉగాది’ గా రూపాంతరం చెంది ఒక పండుగగా మారిందని అందరి విశ్వాసం.

ద్వాపర యుగంలో శ్రీకృష్ణావతారం ముగియగానే కలియుగారంభం ఉగాదితో మొదలయ్యింది. కలియుగం క్రీస్తుపూర్వం ఫిబ్రవరి 18, 3102 నాడు అంటే 5120 సంవత్సరాలు క్రితం ప్రారంభం అయినట్లుగా ఖగోళ శాస్త్రం, పురాణాల ప్రకారం తెలుస్తుంది.

ఉగాది రోజు నుండి వసంత ఋతువు మొదలవుతుంది. ప్రకృతి ఒక కొత్త రూపాన్ని సంతరించుకొని మళ్ళీ చిగురించి కొత్త కొత్త అందాలతో అలరిస్తుంది. ఉగాది పండగ  అనగానే మనకు ముందుగా గుర్తు వచ్చేది ఉగాది పచ్చడి, తలంటు స్ధానం, కొత్త బట్టలు.

ఏది ఏమైనా మనందరం గర్వంగా జరుపుకునే ముఖ్యమైన పండగలలో ఉగాది పండగ ఒకటి అని చెప్ప వచ్చు.

ఉగాది పచ్చడి అసలు పరమార్ధం.

తీపి, పులుపు, కారం, ఉప్పు, వగరు, చేదు. అనే షడ్రుచులు కలసిన సమ్మేళనం. పచ్చడిని పూజలో నైవేధ్యంగా పెట్టిన తరువాత మనం ప్రసాదంగా స్వీకరించాలి.

  • బెల్లం తీపి ఆనందానికి సంకేతం,
  • ఉప్పు జీవితంలో ఉత్సాహం, రుచికి సంకేతం.
  • వేప పువ్వు చేదు భాధ కలిగించే అనుభవాలుకు సంకేతం,
  • చింతపండు పులుపు నేర్పుగా వ్యవహరించవలసిన పరిస్థితులుకు సంకేతం,
  • పచ్చి మామిడి   పులుపు కొత్త సవాళ్లుకు సంకేతం,
  • మిరపపొడి కారం సహనం కోల్పోయేట్టు చేసే పరిస్థితులుకు ఎదురొడ్డటానికి సంకేతం.

అంటే మనకు ప్రతి సంవత్సరములో సంభవించే కష్టసుఖాలు, మంచిచెడులు సంయమనంతో స్వీకరించాలనే భావన మన మనసులో కలుగ చేస్తుంది. మానవుడు “ఆపదల్లో కుంగిపోకుండా, సంపదల్లో పొంగిపోకుండా, విజయాలు సాధిస్తున్నప్పుడు ఒదిగి ఉంటూ, వైఫల్యాలు ఎదురైనప్పుడు ధైర్యంగా నిలబడుతూ”  జీవితం సాగించాలని దీని అర్థం.

Tagged with: , ,

సంక్రాంతి శుభాకాంక్షలు

గ్రామీణ వాతావరణంలో పుట్టి పెరిగిన మన అందరికి ఎక్కడ ఉన్నా సంక్రాంతి  పండుగ అనగానే ముందుగా గుర్తుకొచ్చేది మన గ్రామం, మనం పెరిగిన వాతావరణం,పాడి పంటలు.

మకర సంక్రాంతి లేదా సంక్రమణం.. సూర్యుడు మేషాది ద్వాదశ రాశులందు క్రమంగా పూర్వరాశి నుండి ఉత్తరరాశిలోకి ప్రవేశించడం..దీనినే సంక్రాంతి అంటారు.

స్వగ్రామం నుండి జీవన ప్రయాణంలో  ఎవరి ఎక్కడకు వెళ్లినా ఇతరత్రా పండగలకు వెళ్లినా,వెళ్లకపోయినా సంక్రాంతి పండగకు అందరూ సొంతూరుకు తప్పనిసరిగా వెళతాం.

పంటలు చేతికొచ్చే సమయంలో సంక్రాంతి పండుగ వస్తుంది కాబట్టి రైతుల పండుగ అని చెప్పకుంటాం.

సంక్రాంతి పండుగ మూడు రోజుల పండగ. ముందు రోజు భోగి పండుగను జరుపుకుంటాం. ఆరోజు ఉదయాన్నే చలి మంటలు వేసుకుంటాం.

మనలోని పాత ఆలోచనలుకు స్వస్తి చెప్పి, కొత్త ఆలోచనలు చిగురించాలని అగ్ని దేవుడిని వేడుకుంటాం.  అందుకు గుర్తుగా ఇంటిలోని పాత చెత్తా చెదారాన్ని చలిమంటల ద్వారా ఆహుతి చేస్తాం.

ఇండ్ల ఎదురు రంగు రంగుల ముగ్గులు వేసి, గొబ్బెమ్మలతో అలంకరిస్తాం. చిన్నారులకు భోగి పండ్లు పోస్తాం.ఈ పండగకు అరిసెలు ముఖ్వమైన పిండివంటగా భావించి ప్రతి ఇంటిలో చేసుకుంటాం.

రెండో రోజు సంక్రాంతి…

ఈ రోజు కూడా  రంగు రంగులతో పోటా పోటీగా ముగ్గులు వేస్తాం. వాటిపై పూలతో అలంకరణలు చేసి వాటిచుట్టూ గొబ్బెమ్మ పాటలు పాడుతుంటాం.

పలు పిండి వంటలు చేసి సూర్యదేవుడికి ప్రసాదంగా సమర్పిస్తుంటాం.

గంగిరెద్దులను ఇంటింటికి తిప్పుతూ డోలు, సన్నాయి రాగాలను అనుగుణంగా వాటిచేత నృత్యాలు చేయిస్తుంటారు. 

అంతేగాక హరిలో రంగ హరీ..అంటూ  బోడి తలపై రాగి అక్షయపాత్ర పెట్టుకుని హరిదాసు ప్రత్యక్షమవుతాడు.

మూడో రోజు కనుమ..

సంక్రాంతి పండుగ చివరి రోజును కనుమ అని పిలుస్తుంటారు.

పశువులను అలకరిస్తాం.

బంధువులతో విందు వినోదాలలో పాల్గొంటారు. 

 

Tagged with: , ,

శ్రీ కాశీ విశ్వేశ్వరస్వామి కుంభాభిషేక మహోత్సవ ఆహ్వానం

శ్రీ గంగా అన్నపూర్ణ సమేత శ్రీ కాశీ విశ్వేశ్వరస్వామి శతజయంతి కళ్యాణ మహోత్సవంనకు అందరూ తరలరండి. 

 ఆహ్వాన పత్రిక మరియు కార్యక్రమాల వివరం (ఈ లింకుపై క్లిక్ చేయండి)
Tagged with: , ,

పొనుగుపాడు గ్రామంలో అభినయ నాటక పరిషత్ పోటీలు

 13వ తెలుగు రాష్ట్రాల ఆహ్వాన నాటిక పోటీలు


Tagged with: ,

కమలమ్మకు కన్నీటి వీడ్కోలు

మన పొనుగుపాడు కి చెందిన వంకాయలపాటి కమలమ్మ భర్త కోటిలింగం ది: 27 . 12 . 2017 (బుధవారం) న స్వర్గస్థులు అయినందుకు చింతిస్తున్నాము.

Tagged with: ,

మన గ్రామ వనాన్ని- మనమే రక్షించుకుందాం

 

వృక్షో రక్షితి రక్షిత:

(అంటే  చెట్టును మనం కాపాడితే ఆ చెట్టు మనల్ని రక్షిస్తుంది అని అర్థం.)

మన గ్రామంలో మనందరం మన వంతుగా “మేము సైతం” అని కదలి  పర్యావరణాన్ని రక్షించుటలో భాగంగా ది.06.08.2017న “వనం-మనం” కార్యక్రమంలో సుమారు 2000 మొక్కలు నాటాం.

“చెట్లు నాటటం ఒక ఎత్తు. నాటిన వాటిని బ్రతికించి, పెంచటం ఒక ఎత్తు.”

మనం నాటిన మొక్కలలో సుమారు 1800 బ్రతికినవి. వాటికి “ట్రీ గార్డ్సు” ఉంటేనే మనుగడ ఉంటుందని మనందరకు తెలుసు. సుమారు ఒక్కొక్క ట్రీ గార్డు రు.500/- కాగలదని తెలుస్తుంది. కొంతమంది దాతలు వారంతట వారే స్పందించి వారి వంతు సహాయంగా ఇప్పటి వరకు రు. 1,00,000/-లు ప్రకటించారు. వారికి మన గ్రామ ప్రజలందరి తరుపున వేణుగోపాల్  ఎడ్యుకేషనల్ ట్రష్ట్  ప్రెసిడెంటు తూము వేణుగోపాల్ ధన్యవాదాలు తెలుపుచున్నారు.

మన గ్రామానికి సంబందించిన మంచి కార్యక్రమం కావున,  అవకాశం ఉన్న ప్రతి ఒక్కరూ “నేను సైతం” అని ముందుకు వచ్చి మీ వంతు ఆర్థిక సహాయం చేయదలచిన వారు దిగువ వివరింప బడిన సెల్ నెంబర్లకు తెలుపవలసినదిగా కోరుచున్నాం.

నిర్వాహకులు

  • తూము వేణు గోపాల్.9985825589, (ప్రెసిడెంటు,ఎడ్యుకేషనల్ ట్రష్ట్,పొనుగుపాడు.)
  • కోయ రామారావు:9440915861,   (ప్రెసిడెంటు,పూర్వ విద్యార్థుల సంఘం, ZPHS, పొనుగుపాడు

ఈ కార్యక్రమం ఏ ఒక్కరి కోసమో కాదు. మనందరి కార్యక్రమం. మన తరువాత మన భావి తరాలవారి కోసం.మన గ్రామం కోసం.

 “సర్వే జనా: సుఖినోభవంతు” 

ఆగష్టు 2018 వరకు రాబడివ విరాళం సొమ్ము వివరాలు

వ.సంఖ్య దాత పేరు

 అందించిన విరాళం

1 వంకాయలపాటి బలరామకృష్ణయ్య 10,000
2 కె.వెంకటేశ్వర్లు 10,000
3 డాక్టరు మర్రి పెద్దయ్య 10,000
4 కోయ రామారావు 15,000
5 గుర్రం విశ్వేశ్వరరావు 18,000
6 గుర్రం మాధవరావు   5,000
6 గుర్రం రామచంద్రరావు s/o పెదబాబు 25,000
7 గుంటుపల్లి జగన్నాధం   5,000
  మొత్తం 98,000

ఆగష్టు 2018 వరకు రాబడివ విరాళం సొమ్ముకు ఖర్చు వివరాలు

1 మొక్కలు రవాణా చార్జీలు వెలగపూడి నుండి రెండు ట్రాక్టర్లు ద్వారా 9,000
2 ఐరన్ మెస్ ట్రీ గార్డ్సు 270+ 35,200
3 కలప కర్ర ముక్కలు ట్రీ గార్డ్సు సపోర్ట్ 2బండిల్సు 10,500
4 ప్లాస్టిక్ ట్రీ గార్డ్సు 40   8,300
5 ట్రీ గార్డ్సు ఏర్పాటుకు లేబర్ చార్జి. Names    9,450
6 పొనుగుపాడులో చేయించిన ట్రీ గ్రార్డ్సు 5   2,400
7 రవాణా చార్జీలు ఐరన్ మెస్ ట్రీ గార్స్  16,000
  ఖర్చు మొత్తం 90,850

విరాళం జమ మొత్తం 31.08.2018 వరకు —-    రు.98,000

ఖర్చు మొత్తం 31.08.2018 వరకు           —-    రు.90,850

31.08.2018 నాటికి నిల్వ (నిర్వహణ కొరకు)-     రు.  8,850

పై వివరాలు  వేణుగోపాల్  ఎడ్యుకేషనల్ ట్రష్ట్  ప్రెసిడెంటు తూము వేణుగోపాల్ అందించగా అతని కోరిక మేరకు ప్రచురించటమైంది

Tagged with: , ,

యువతా చెప్పానని కినుక వహించుకమా!

యువతా చెప్పానని కినుక వహించుకమా!

  • ఓ యువతా నీ ఓటు హక్కు దుర్వినియోగం చేయకుమా,
  • అవినీతి తెగులు, నేర చరిత్ర, లేని మంచి అభ్యర్థికి వేయాలి నీ ఓటు
  • అంతేగాదు అక్రమ మార్గాలలో సంపాదించిన నేరగాళ్లకు,
  • పీకల్లోతు కుంబకోణాలలో కూరుకుపోయిన వ్యక్తులకు
  • నీ ఓటు వేసి తదుపరి తప్పు చేసానని ప్రాశ్చాత్య పడకుమా!
  • మంచికి మారుపేరు గల వార్కి వేయాలి సుమా నీ ఓటు
  • ఈ దేశానికి పట్టిన అవినీతి రుగ్మతలు నుండి ఒడ్డున
  • పడగలవేయ సత్తా మీ యువతకు ఉందని మేమంతా
  • ఎదురు చూచుటను వమ్ము చేయకురా!
  • ఇంతేకాదు సుమా అంతకన్నా ముందు మీరు
  • ఆరోగ్యంగా ఉంటేనే జాతి, దేశం బలంగా ఉండేది,
  • చెప్పానని కినుక వహించుక కొద్దిగా ఆలోచించు సుమా,
  • మధ్యపానం,దూమపానం వధ్దురా! మాదకద్రవ్యాల జోలి
  • అసలు పోబోకురా! మీ ఆరోగ్యం బాగుంటే జాతికి,దేశానికి,
  • మిమ్మల్ని కన్నవార్కి అంతకన్న కావలసింది
  • ఇంకేముంది గ్రహించు  మిత్రమా!
Tagged with: , ,

పొనుగుపాడులో జరిగిన వనం-మనం కార్యక్రమ విశేషాలు.

వృక్షో రక్షితి రక్షత:

“మనం చెట్టును కాపాడితే ఆ చెట్టు మనల్ని కాపాడుతుంది”.

అసలు మనందరం ఎంత సేపటికి మన సంతానానికి తరతరాలుగా సరిపోను ఇంకొకరికన్న మనం ఎక్కువ ఎలా సంపాదించి ఇద్దమా అనే ధ్యాస మనందరిలో ఉన్నమాట వాస్తవం.

సరే కాసేపు తప్పులేదు అనుకుందాం.ఆ సంపాదింది ఇచ్చినది అనుభవించుటానికి ఆరోగ్యకరమైన వాతావరణం వారికి అందించాలనే ఆలోచన గురించి బహు కొద్ది మంది మాత్రం తప్ప ఎవ్వరూ ఆలోచించుట లేదు.

ఇది ఎవరు కాదన్నా అవునన్నా వాస్తవం. మనం జీవించినదే జీవితం కాదు.మన తరువాత మన భావి తరాలవారు ఆరోగ్యంగా జీవిస్తేనే మన జన్మ సార్ధకమైనట్లు.

అలాంటి మంచి ఆలోచనతో మన గ్రామానికి చెందిన హైకోర్టు న్యాయవాది వేణుగోపాల్ (ఎజిపి) ఆధ్వర్యంలో ది.06.08.2017 ఆదివారం నాడు “వనం-మనం” కార్యక్రమం మన గ్రామంలో నిర్వహించటం చాలా అభినందించ తగ్గ విషయం.

ఈ కార్యక్రమానికి ముఖ్య అతిధిగా ఆంద్ర ప్రదేశ్ హైకోర్టు న్యాయమూర్తి జస్టిస్ సురేష్ కుమార్ కైత్ పాల్గొన్నారు.ముందుగా మేళతాళాలుతో పెద్దలు విద్యార్ధిని, విద్యార్దులు వెంటరాగా “మానవ మనుగడకు వృక్షాలే కీలకం” అనేబ్యానర్లు, ప్లేకార్డులు చేతబూని అతిధులను సాదరంగా ఆహ్వానించారు. తదనంతరం పాఠశాల ఆవరణలో పసుపు, కుంకమ, పూలుతో అందంగా అలంకరించిన పాదులలో వేదపండితుల మంత్రోచ్చారణల తో జస్టిస్ సురేష్ కుమార్ కైత్ చే మొక్కలు నాటించారు.

పొనుగుపాడు నుండి గుంటూరు-కర్నూలు వెళ్లు అప్రోచ్ రోడ్డుకు ఇరువైపుల, జిల్లా పరిషత్ ఆవరణలో మరియు మెరికపూడి వెళ్లు మట్టి రోడ్డుకు రెండు వైపుల, నార్నెపాడు వెళ్లు డొంక రోడ్డులో ఇరువైపుల మొక్కలను నాటారు.గ్రామంలో మొక్కలు నాటే కార్యక్రమం పండగ వాతావరణాన్ని తలపించింది.

సభా కార్యక్రమం

ఈ కార్యక్రమం సందర్బంగా జిల్లా పరిషత్ ఆవరణలో జరిగిన సమావేశంలో జష్టిష్ సురేష్ కుమార్ కైత్ మాట్లాడుతూ మానవాళికి చెట్లే ప్రాణ దాతలని, సమస్త ప్రాణికోటికి వృక్షం ప్రధానమైనదని చెప్పారు. చెట్టును మనం రక్షిస్తే మనకు అది ప్రాణవాయువు ఇచ్చి మనల్ని రక్షించిదని, వాతావరణ సమతుల్యాన్ని కాపాడుతుందని, మానవ జీవితానికి అవసరమైన కలప, అనేక సుగంధ ద్రవ్యంలు అందిస్తున్నాయని చెప్పారు. జష్టిష్ సురేష్ కుమార్ ఖైత్ ఆంగ్లంలోచేసిన ప్రసంగాన్ని జిల్లా జడ్జి హరిహరనాధ శర్మ తెలుగులో అనువదించి చెప్పారు.న్యాయవాది వేణుగోపాల్ మాట్లాడుతూ నాటిన 2500 మొక్కలను గ్రామస్తుల సహకారంతో కాపాడుతామని, ప్రస్తుతం నాటిన మొక్కలు భవిష్యత్తరానికి ఎంతో మేలు చేస్తాయని చెప్పారు.గ్రామాన్ని నందనవనంగా తీర్చి దిద్దుతామన్నారు.

ఈ కార్యక్రమంలో జిల్లా జడ్జి హరి హరనాధ శర్మ , రెండవ అదనపు జడ్జి సురేష్, నరసరావుపేట జిల్లా జడ్జి జయకుమార్, జాయంటు కలెక్టరు-2 యం. వెంకటేశ్వరరావు, ఆర్.డి.ఒ. బండ్ల శ్రీనివాస్, జిల్లా ఇన్ చార్జి డి.ఇ.ఒ.పిల్లి రమేష్, నరసరావుపేట బార్ అసోసియేషన్ ప్రెసిడెంటు పంగులూరి ఆంజనేయులు, గుంటూరు బార్ అసోసియేషన్ అధ్యక్షుడు దాసరి ఉమా మహేశ్వరరావు,మాజీ అధ్యక్షుడు గుత్తా వెంకటేశ్వర్లు, డివిజనల్ సామాజిక అటవీ అధికారులు యల్.బీమయ్య, కె.మోహనరావు, తహసీలుదారు పార్ధసారధి, ఎం.పి.డి.ఒ. శ్యామలాదేవి ఇతర ఆధికారులు పాల్గొన్నారు.

గ్రామానికి చెందిన స్థానికులు ముఖ్యులు సర్పంచ్ మాధవరావు, యం.పి.టి.సి.అమరయ్య, వంకాయలపాటి బలరామ కృష్ణయ్య, రాయంకుల శేషతల్పశాయి, గుంటుపల్లి జగన్నాధం, క్రోసూరి సుబ్బారావు, చంద్రమౌళి, తులసీధరరావు, రామాంజనేయులు, హెచ్.యం.పద్మావతి, తదితర గ్రామ పెద్దలు, విద్యార్ధిని విద్యార్దులు పాల్గొన్నారు.

సమావేశ అనంతరం జష్టిష్ సురేష్ కుమార్ ఖైత్ ను గ్రామ పెద్దలు అధికారులు సన్మానించారు.

సర్వేజనా:సుఖినోభవంతు

ఫొటో గ్యాలరీ

Slider
Tagged with: , ,
powered by rekommend.io